• 21 ნოემბერს საპარლამენტო არჩევნების მეორე ტური 17 მაჟორიტარულ ოლქში ჩატარდება;
• მეორე ტური თელავის, ახმეტის, ყვარლისა და ლაგოდეხის ოლქის 154 უბანზე გაიმართება – ვინ და რა ფორმით დააკვირდება არჩევნების პროცესს;
• 21 ნოემბერს საერთო ოპოზიციურ ფორმატში აქცია აღარ გაიმართება;
• კახა კალაძე – ვიმედოვნებ, ოპოზიცია სახელმწიფოებრივად სწორ გადაწყვეტილებას მიიღებს და პარლამენტში მუშაობას გააგრძელებს;
• ოპოზიციის ლიდერები საქართველოში ევროკავშირის ელჩს, კარლ ჰარცელს შეხვდნენ;
• შალვა ნათელაშვილი – ელჩებს იმისთვის არ ვხვდებით, რომ დათმობაზე წაგვიყვანოს ვინმემ;
• ცესკო – საუბნო საარჩევნო კომისიები ხვალ 12-კაციანი შემადგენლობით ვერ იმუშავებენ;
• შვიდ დიდ ქალაქში დღეს და ხვალ გადაადგილების შეზღუდვა გაუქმდება;
• კახეთში ბოლო 24 საათში კოვიდ-ინფიცირების 104 ახალი შემთხვევა გამოვლინდა;
• ბოლო დღე-ღამეში საქართველოში გარდაიცვალა 41 პირი, დაინფიცირდა 3768 ადამიანი, გამოჯანმრთელდა – 4055;
• თელავის ისტორიული მუზეუმი მუშაობას 24 ნოემბრიდან განაახლებს;
• 21 ნოემბრის ამინდის პროგნოზი – პანკისის ხეობა +8, ახმეტა +6, გურჯაანი +6, თელავი +7, ლაგოდეხი +8, სიღნაღი +6;

საპარლამენტო არჩევნების მეორე ტურთან დაკავშირებით პანკისის სათემო რადიო განსაკუთრებულ რეჟიმში იმუშავებს. სპეციალურ საინფორმაციო გამოშვებებს შემოგთავაზებთ 10:00, 12:00, 15:00, 18:00, 20:00 და 22:00 საათებზე. რადიო ვეის ჟურნალისტები პირდაპირ ეთერში მოგაწვდიან ინფორმაციას როგორც პანკისის ხეობაში, ასევე მთელს საქართველოში არჩევნების მიმდინარეობასთან დაკავშირებით.